Uses of azithromycin medicine in Telugu

Uses of azithromycin medicine in Telugu:
Uses of azithromycin medicine in Telugu:

అజిత్రోమైసిన్ మెడిసిన్ యొక్క ఉపయోగాలు:

ఉపయోగాలు: అజిత్రోమైసిన్ (Azithromycin) మెడిసిన్ అనేక రకాల బాక్టీరియల్ ఇన్ఫెక్షన్లకు చికిత్స చేయడానికి ఉపయోగిస్తారు. గొంతు ఇన్ఫెక్షన్, ఛాతీ ఇన్ఫెక్షన్, చెవిలో ఇన్ఫెక్షన్, సైనస్ ఇన్ఫెక్షన్, చర్మ వ్యాధులకు, చర్మం అంటువ్యాధులు, శ్వాసనాళ అంటువ్యాధుల చికత్సకు మరియు ఇతర పరిస్థితులకు అజిత్రోమైసిన్ మెడిసిన్ టాబ్లెట్ (Azithromycin Tablets) ను ఉపయోగిస్తారు. అజిత్రోమైసిన్ మాక్రోలైడ్ రకం యాంటీబయాటిక్. ఇది బాక్టీరియా వృద్ధిని ఆపడం ద్వారా పనిచేస్తుంది. వైరల్ ఇన్ఫెక్షన్లకు ఈ మందులు పనిచేయవు (ఉదా: సాధారణ జలుబు, ఫ్లూ వంటివి). ఏదైనా యాంటీబయాటిక్‌ని అనవసరంగా ఉపయోగించడం శరీరానికి మంచిది కాదు. 

సైడ్ ఎఫెక్ట్ లు: అజిత్రోమైసిన్ మెడిసిన్ వలన డయేరియా, వికారం, వాంతులు, కడుపు నొప్పి, కడుపు అప్సెట్, స్కిన్ రాషెష్ వంటి సాధారణ సైడ్ ఎఫెక్ట్ లు కలగవచ్చు. ఈ సైడ్ ఎఫెక్ట్ లలో ఏవైనా కొనసాగితే లేదా ఎక్కువ అయితే, వెంటనే డాక్టర్ ను కలవండి. ఈ సాధారణ సైడ్ ఎఫెక్ట్ ల ప్రమాదం కంటే, ఎక్కువగా శరీర ప్రయోజనం కోసం మెడిసిన్ సూచించబడుతుంది. ఈ మెడిసిన్ లను ఉపయోగించే చాలా మంది వ్యక్తులు తీవ్రమైన సైడ్ ఎఫెక్ట్ లను కలిగి ఉండరు. ఈ మెడిసిన్లు నిరోధక బాక్టీరియా కారణంగా చాలా అరుదుగా తీవ్రమైన పేగు పరిస్థితి (క్లోస్ట్రిడియం డిఫిసిల్ అసోసియేటెడ్ డయేరియా) కు కారణం కావచ్చు. ఈ పరిస్థితి చికిత్స సమయంలో లేదా చికిత్స ఆగిపోయిన తర్వాత వారాల నుండి నెలల తర్వాత సంభవించవచ్చు ఈ పరిస్థితిలో వెంటనే డాక్టర్ ను కలవండి. ఈ మందులను ఎక్కువ కాలం లేదా పదే పదే ఉపయోగించడం వల్ల నోటి థ్రష్ లేదా కొత్త ఈస్ట్ ఇన్ఫెక్షన్ ఏర్పడవచ్చు. ఇంకా ఇతర అరుదైన, తీవ్రమైన సైడ్ ఎఫెక్ట్ లు ఏవైనా గమనిస్తే వెంటనే డాక్టర్ ను కలవండి. 

జాగ్రత్తలు: అజిత్రోమైసిన్ మెడిసిన్ తీసుకునే ముందు, మీ ప్రస్తుత మందుల జాబితాను డాక్టర్ కి తెలియజేయండి, ఉదా: విటమిన్లు, మూలికా మందులు, ఇతర వాడుతున్న మందులు, అలాగే  అలెర్జీలు, ముందుగా ఉన్న వ్యాధులు, ముఖ్యంగా: కాలేయ వ్యాధి, మూత్రపిండాల వ్యాధి, ఒక నిర్దిష్ట కండరాల వ్యాధి మరియు ప్రస్తుత ఆరోగ్య పరిస్థితులు అంటే, ప్రెగ్నెన్సీ, తల్లి పాలు ఇవ్వడం, రాబోయే శస్త్రచికిత్స వంటివి ఏవైనా ఉంటే ముందుగానే డాక్టర్ కు తెలియజేయాలి. కొన్ని ఆరోగ్య పరిస్థితులు మిమ్మల్ని మెడిసిన్ సైడ్ ఎఫెక్ట్ లకు లోనయ్యేలా చేస్తాయి. మెడిసిన్ ను మీ డాక్టర్ చెప్పినట్టు పాటించడం లేదా ఉత్పత్తి మీద ముద్రించిన విధంగా పాటించాలి. సూచించిన మోతాదు (డోస్) కంటే ఎక్కువ తీసుకోరాదు. ఎక్కువ మోతాదు (డోస్) తీసుకోవడం వల్ల మీ లక్షణాలు మెరుగు పడవు, కాక విషప్రయోగం లేదా తీవ్రమైన సైడ్ ఎఫెక్ట్ లు కలగవచ్చు. మీ ఆరోగ్య పరిస్థితిని బట్టి మెడిసిన్ మోతాదు (డోస్) ఉంటుంది. మెడిసిన్ తీసుకునే ముందు గడువు తేదీ చెక్ చేసుకోవాలి. మెడిసిన్ వాడిన తర్వాత కూడా మీ పరిస్థితి ఇంకా అలాగే ఉంటే లేదా ఎక్కువ అయితే మరియు మీ పరిస్థితి మెరుగుపడకపోతే లేదా అది మరింత దిగజారితే వెంటనే మీ డాక్టర్ ను కలవండి.

మోతాదు (డోస్) తీసుకోవడం: అజిత్రోమైసిన్ మెడిసిన్ ను డాక్టర్ సూచించిన విధంగా నోటి ద్వారా ఒక గ్లాసు వాటర్ తో తీసుకోండి, సాధారణంగా రోజుకు ఒకసారి ఆహారంతో లేదా ఆహారం లేకుండా తీసుకోవచ్చు. ఆహారం లేకుండా తీసుకున్నప్పుడు కడుపు నొప్పి కూడా వచ్చినట్లయితే మీరు ఈ మెడిసిన్ ను ఆహారంతో తీసుకోండి. మోతాదు (డోస్) మీ హెల్త్ కండిషన్ మరియు చికిత్సకు ప్రతిస్పందనపై ఆధారపడి ఉంటుంది. మీ శరీరంలో మెడిసిన్ మొత్తం స్థిరమైన స్థాయిలో ఉంచబడినప్పుడు యాంటీబయాటిక్స్ మంచిగా పని చేస్తాయి. అంటే క్రమం తప్పకుండా మెడిసిన్ ప్రతి మోతాదు (డోస్) ను తీసుకోవాలి. కొన్ని రోజుల తర్వాత లక్షణాలు కనిపించకుండా పోయినప్పటికీ, డాక్టర్ సూచించిన మెడిసిన్ కోర్స్ మొత్తం పూర్తయ్యే వరకు ఈ మందులను తీసుకోవడం కొనసాగించండి. మందులను ముందుగానే ఆపడం వలన ఇన్ఫెక్షన్ కు కారణమైన బ్యాక్టీరియా వృద్ధి చెందడం తిరిగి కొనసాగించవచ్చు, ఫలితంగా ఇన్ఫెక్షన్ తిరిగి  రావచ్చు. అల్యూమినియం లేదా మెగ్నీషియం కలిగిన యాంటాసిడ్‌లు ఒకే సమయంలో తీసుకుంటే అజిత్రోమైసిన్ మెడిసిన్ యొక్క శోషణ తగ్గుతుంది. మీరు అల్యూమినియం లేదా మెగ్నీషియం కలిగి ఉన్న యాంటాసిడ్ తీసుకుంటే, అజిత్రోమైసిన్ మెడిసిన్ తీసుకునే ముందు లేదా తర్వాత కనీసం 2 గంటలు వేచి ఉండండి.

మోతాదు (డోస్) మిస్ అయితే: మీరు అజిత్రోమైసిన్ మెడిసిన్ తీసుకోవడంలో ఒక మోతాదు (డోస్) మిస్ అయితే, వెంటనే గమనించి తీసుకోండి. ఒకవేళ ఇది తర్వాత మోతాదు (డోస్) తీసుకోవలసిన టైంకి దగ్గరగా ఉంటే, మిస్ అయిన మోతాదును (డోస్) తీసుకోకుండా, మీ సాధారణ మోతాదు (డోస్) తీసుకునే టైంకి తీసుకోండి. మెడిసిన్ మోతాదు (డోస్) మిస్ అయితే డబల్ డోస్ మాత్రం తీసుకోవద్దు. 

స్టోరేజ్: అజిత్రోమైసిన్ మెడిసిన్ ను వేడి, కాంతి మరియు తేమ నుండి దూరంగా గది ఉష్ణోగ్రత వద్ద నిల్వ చేయండి. బాత్రూం వంటి ప్రాంతాల్లో నిల్వ చేయవద్దు. అన్ని మందులను పిల్లలు మరియు పెంపుడు జంతువుల నుండి దూరంగా ఉంచండి, మరియు కలుషితం కాకుండా సేఫ్ గా స్టోరేజ్ చేయండి. 


Uses of azithromycin medicine in Telugu:

Post a Comment

0 Comments